Վարչապետ Նիկոլ Փաշինյանը ցավակցական հեռագիր է հղել Ռուսաստանի նախագահ Վլադմիմիր Պուտինին ԱՆ-24 ինքնաթիռի ավիավթարի հետևանքովտասնյակ զոհերի կապակցությամբ:
Վարչապետի աշխատակազմի փոխանցմամբ՝ հեռագրում ասված է. - «Ընդունեք անկեղծ ցավակցություններս՝ Խաբարովսկ-Բլագովեշչենսկ-Տինդա չվերթն իրականացնող «Անգարա» ավիաընկերության ԱՆ-24 քաղաքացիական ինքնաթիռի ուղևորների ողբերգական մահվան կապակցությամբ։ Խնդրում եմ անկեղծ կարեկցանքի և աջակցության խոսքերս փոխանցել ինքնաթիռի վթարի հետևանքով իրենց հարազատներին կորցրած ընտանիքներին»:
Ռուսաստանի Ամուրի մարզում վթարի է ենթարկվել Ան-24 ուղևորատար ինքնաթիռը: Ըստ ռուսաստանյան պաշտոնական աղբյուրների՝ օդանավում 49 մարդ է եղել, բոլորը զոհվել են։
